Armando Broja është larg fushave të lojës që nga muaji dhjetor, kur pësoi një dëmtim të rëndë në një ndeshje miqësore me Çelsin dhe u desh t’i nënshtrohej një ndërhyrje kirurgjikale.
Sulmuesi i kombëtares shqiptarë ka nisur prej kohësh riaftësimin dhe parashikohet që të mund të jetë gati edhe për fazën përgatitore për edicionin e ri.
Por ndërsa të gjithë presin me padurim ta shohin Brojën përsëri në fushat e futbollit, ai është kthyer sot në një fushë… golfi. Vetë futbollisti ka postuar një foto të tijën duke u bërë gati për një goditje me shkopin e golfit në dorë.
Një hobi i ri me sa duket për Brojën, që kujton paksa atë të Garet Bejl, i cili së fundmi, pasi la futbollin, i është kushtuar plotësisht këtij sporti që e adhuronte prej kohësh.
Shfaq Komentet (0)
